गोजीमा ५० रुपैयाँ मात्रै छ, मेरो भाइलाई बचाइदिनुहोस्’ — अस्पताल बाहिर दाइको भावुक अपिल

काठमाडौं — राहदानी विभाग अगाडि आत्मदाहको प्रयास गरेका गणेश नेपालीका दाइले अस्पताल बाहिरबाट भावुक अपिल गर्दै भाइको उपचारका लागि सहयोग गरिदिन सम्पूर्ण नेपालीसँग आग्रह गरेका छन्।
आँसु रोक्न नसक्दै उनले भने, “हामी निकै गरिब छौं। भाइले जग्गा धरौटी राखेर बाईक किनेको थियो। पठाओ चलाएर घर खर्च र आमाको औषधि जुटाउँथ्यो। अहिले मेरो गोजीमा ५० रुपैयाँ मात्रै बाँकी छ। कृपया मेरो भाइलाई बचाइदिन सहयोग गरिदिनुहोस्।”
उनका अनुसार, घटनाअघि गणेशले अन्तिम पटक फोन गर्दै “दाइ, मम्मी–बुवाको राम्रोसँग हेरचाह गर्नु है,” भनेका थिए। दाइले घटनाबारे सम्बन्धित निकायबाट निष्पक्ष छानबिन र न्यायसमेत माग गरेका छन्।
यस घटनाप्रति सामाजिक सञ्जालमा व्यापक चासो व्यक्त भइरहेको छ भने घटनाको वास्तविक कारणबारे सम्बन्धित निकायको अनुसन्धान जारी छ।