इजिप्टको आरोप: अर्जेन्टिनासँगको हार ‘अन्यायपूर्ण’, रेफ्रीको निर्णयमाथि गम्भीर प्रश्न

अमेरिका। फिफा विश्वकप २०२६ अन्तर्गत अन्तिम १६ को खेलमा इजिप्टले अर्जेन्टिनासँग ३–२ को हार बेहोरेपछि रेफ्रीको निर्णयप्रति कडा असन्तुष्टि जनाएको छ।
खेल सकिन ११ मिनेट बाँकी रहँदासम्म २–० ले अग्रता बनाएको इजिप्ट अन्तिम समयमा लगातार तीन गोल खाँदै प्रतियोगिताबाट बाहिरियो।
इजिप्टले १–० को अग्रता लिएको अवस्थामा मोस्तफा जिकोको अर्को गोल VAR परीक्षणपछि खारेज गरिएको थियो। रेफ्रीले त्यसअघि मारवान अतियाले लिसेन्द्रो मार्टिनेजमाथि फाउल गरेको निर्णय दिएका थिए।
यस्तै, खेल २–२ को बराबरीमा रहेका बेला मोहम्मद सालाह पेनाल्टी क्षेत्रभित्र लड्दा पनि पेनाल्टी नदिइएको भन्दै इजिप्ट पक्षले आपत्ति जनाएको छ। उक्त निर्णयले खेलको नतिजामै प्रभाव पारेको दाबी गर्दै इजिप्ट फुटबल टोलीले रेफ्रीको निर्णयमाथि प्रश्न उठाएको छ।